clique su' ch'vèlo pour avoir les nouvelles de ch'tour eud' France 2007

Inn' d'a qui pour aller faire leu' courses
Au tchoin de l'rue prenn' leu-z-autos...
Pour mi chés gins I'n' sont pos dins la course
Alors qu'mi j'monte su' min vélo.
Pour aller tcher leu' toubak ou leu' vin
Au volant I vont s'installer
Tchand qu'i z'arrifft' tout près du magazin
I sav'ttent pus s'garer

Bin mi tchand je m'déplache
J'me sers eud' min vélo
Et j'treuff' toudis de l'plache 
Eul' long d'eun' façate ou bin cont ' in poteau
Mi j'ai pos b'son d'essence
J'ai pas b'son d'mett' eud' l'ieau
Pour êt' heureux in France
Fait' comme mi : du VéLO!!!
Texte de G. HOCHIN (clique pou' acouter l'tchanson)

I' faut rapp'ler à tertous que ch'Furet du Nord ch'est l'pus grande librairie du monde !!! (rinseign' te et t'verras qu'ch'est pos des mintiries)... Et pour mi, I'a pos d'meilleu' indrot pour annoncer l'naissance et l'diffusion de "Ch' villach' copé in 2" eul' nouviel album d'Astérix in picard ...faut dire que l'premi ( Astérix I' rinte à l'école) I' été diffusé à plus de 100 000 exemplaires, lon' devant l'traduction in corse ou in breton...alors, quiqu'ch'est les plus intelligints : les poseux d'bombes ou l'z' écriveux ?

Photo Al Orti 2007
...ovla nos tros traducteu' : Jacques DULPHY, Jean Luc VIGNEUX et Alain DAWSON aveuc eul' fill' à UDERZO et 2 poseu' d'questions... 

photo Al Orti 2007
...aprés "L'arroseu' arrosé"? ovlà "L'preneu' d'imaches pris in photo !!!"

Inn' d'a qui s'demindent commint qu'in oeuff' pour juer in morceau...ovlà l'recette : te prinds eun' salle eud' répétition et dù qu'y'a eun' batterie pour buker d'zeur et des amplis pass'que les guitares cha marche à l'électrique...te lâches chés musiciens pour qui s'cauffent les dogts...

et te comptes ch'qu'à deux et...ch'est parti...

 
...pou' l'momint, y'a pas d'son mais ch'est pour bétôt...clique su' l'triangle in bas à gauch'...

...cha s'est passé euss' dimanche : dins eun' bielle cinse intir'mint rénovée par eul' patron d'l'indrot : Christian DEQUIDT, in cinsi écolo qu'in connot pour sa participation à l'Paris -Dakar in moto, in ingin qui roule aveuc du bio carburant et qu'I'est construit avec des piches in plastique eud' peuntierres et d'bettraches...à Frévent donc ( intr' Arras et Abbeville) étott' réunis : in raconteu' des fablenchti de "Biloute" et des textes de Bernard Dimey : Christian Bastien, in 'cordéoneux : Rigobert Deswarte et eun' tchanteuse tout à fait charmante et talentueus' : Claire Danjou ... I' s'y sont mis à tros et j'vous asseure qu'in a passé in momint rare et intense...in s'est artreuvé fin bénache à l'fin de l'séance in s'dijant : abile eul' prochain' fos!!!