Tertous I' sait qu'ch'est in toulousain qu'I' a invinté l'tango : Carlos Guardel...chin qu'in sait moinss, ch'est que chtilal qu'I' est à l'origine du zouc ch'étot in picard eud' nou' région...Alfred Van de Meulebroucke natif eud' Mouscron I'avot marié eun' fill' des Flandres qui ch'appelot Martine ( euss' mémoire all' est toudis pérénisée aujourd'hu aveuc des ouvraches comme "Martine à l'cinse")...comme cha s'passot à l'16ème sièc', Alfred qu'I'étot arnommé pour ses bertonnaches ( in dijot d'li : I'est toudis in train d'protester!) I'a décidé eud' s'in aller invau dins l'nouvieau monte et dù qu'I' arot pu vif' sins l'crainte d'eun' St Barthélémy...I'a dit à s'finme : " Acoute ichi Martineque : in va aller fonder eun' famille in Amérique car ichi ch'est trop dingeureux pour nou-z-aute deux"...et ovlà l'origine des îles eud' Saint Barthélémy et d'la Martinique...comme I'étot musicien (I' t'not eul' carillon d'l'égliche St Martin à Roubaix) et que s'finme all' avot comme qui dirot eul' fu au derrire, I'a passé s'vie à tchanter ses déboires conjugaux in tapant su' des bambous : ch'est ch'qui rimplace eul' mi les cloches sous les tropiques...et ch'est comme cha que l'zouc I'a été invinté... Al Orti franco picard I' tchante acore eun' tchanson d'cheulle époque qui s'lomme " Eun' triffouillarte!" qu'in a interprété ce vinderdi 13 avril à l'M. J. C d'Saint André...

C'mmint dev'nir maboule :

puis :

...cha fait :

alors in bon consel : bos lint'mint et déguste !!!  

...Ah, ch'étot fin bieau des narcisses dès l'premire quinzaine eud' mars...et chés feull' qui comminch' t'à raverdir chés z'arpes... ...mais I' paraitrot qu'cha va pos durer : acore les caprices de l'météo !!! ...ch'est les moustiques (oh là qu'cha pique!) qui vont êt' contint !!!

Eh bin si !!! Et acore à Wazemmes à l'PRESTO eul' dimanche 11 mars à 20 h 30 et cheulle fos chi, I'ara pu' qu'les traces d'nou' sorlets pour nous arconnaîte...

 ...et faudra pos s'plainte si in arriff' pos à artreuver ses formes in tchittant eul' déguis'mint...